73 kiba koit 9 iabit thymmai iaka jingpang COVID-19 khlad 1

Syllad | The Rising MeghalayaDecember 14, 2021

Haka sngi ba Ar 9 ngut kiba iabit thymmai iaka jingpang khlam COVID-19, khlad I iwei, katba kiba ioh pat iaka jingkoit ki don 73 ngut ha Jylla.

Katkum ka jingpyntip ka tnad ka Koit ka Khiah, 9 kiba ïabit thymmai ïa kane ka jingpangkhlam bad kine ki kynthup 8 ngut na East Khasi Hills bad iwei na West Garo Hills.

Kiba dang shitom ne active case ki don 138 ngut ha Jylla.

Ki nongpang kiba la ioh pat iaka jingkoit ki don haduh 73 ngut. Kine ki kynthup tang na East Khasi Hills ki don 70 ngut, East Garo Hills 1, East Jaintia Hills 1 bad South Garo Hills 1.

Ka East Khasi Hills ka don 114 ngut kiba dang shitom, East Garo Hills 7, West Garo Hills 7, West Khasi Hills 5, East Jaintia Hills 3 bad mar iwei kiba shitom ha Ri Bhoi bad West Jaintia Hills.

Ka jingdon jong ki briew bala ïabit ïa kane ka jingpang khlam ha Jylla baroh kala kynjoh 84707 ngut bad napdeng kine 83092 ngut kila ïoh ïa ka jingkoit bad 1477 ngut kiba ïap.