6 tylli ki kolej kiba shimbynta haka Seng Khasi College Invitational Basketball

Syllad | The Rising MeghalayaApril 18, 2023

6 tylli ki College, ka nongbah ki la poi ban iashim bynta sha ka lympung iakob ialehkai baksketball ba la tip ia ka kum ka Seng Khasi College Invitational Basketball (Girls)  Competition, kaba la long ha madan ialehkai basketball jong kane ka college ha Weiking,  Jaiaw, Shillong.

Kane ka jingiakob kala sdang haka sngi Nyngkong, ia kaba la plie ia ka da u Principal ka Seng Khasi College u bah WB Rynjah.

Ki College kiba la wan ban iashim bynta ki long Seng Khasi College, St Edmunds College, St.Mary’s College, Shillong Commerce, Synod College bad ka Lady Keane College.

Haba kren kum u kongsan, na ka liang u bah WB Rynjah, u la ong baka jinngpynlong ia kane ka lympung ka long kum shi bynta ka jingrakhe ka Seng Khasi College ia ka jubili ksiar (golden jubilee), ha kaba kum ka college ka la shim ia ka sien jam  ba kan pynlong ia kiba bun bah ki prokram.

U Principal ka Seng Khasi College ula ai khublei iaki Principal jong ki college kiba la pdiang ia kane ka jingwer ban iashim bynta ka Seng Khasi College sha kane ka lympung ialehkai basketball ia ki khynnah kynthei, namar lymda kloi ban iashim bynta lang jong ki, lehse ka jingpynlong ia kane ka jingiakob kan nym long kaba jop.

Haba phai pat sha kiu resol ha ka jingiakhun ba sdang, ka Seng Khasi College ka la lah ba kan pynliem ia ka Shillong Commerce College da 30-11, ka St Edmund’s College ka la lah ba kan pynliem noh ia ka Synod College da 26-14 katba ka St Mary’s College ka la lah ba kan pynliem ia ka Lady Keane College da 17-9.

Mynta ka sngi ka jingiakhun ka long St Anthony’s College pyrshah ia ka St Mary’s College bad ka Seng Khasi College kan iakhun pyrshah iaka St Edmund’s College, ka phainal jong kane ka lympung ialehkai la buh ban pynlong iaka ha ka sngi Balang katta ha ka 19 tarik  u Iaiong 2023.