6 iabit thymmai iaka jingpang khlam COVID-19, kiba koit 11 ngut

Syllad | The Rising MeghalayaDecember 27, 2021

6 ngut ki briew kiba iabit thymmai iaka jingpang khlam COVID-19, kiba ioh pat iaka jingkoit ki don 11 bad da kane ka jingdon ki briew kiba dang shitom kalong 59 ngut baroh ka Jylla haka sngi Nyngkong.

Katkum ka jingpyntip ka Tnad ka Koit ka Khiah, kine ki 6 ngut ki briew kila ïabit thymmai ki dei na East Khasi Hills 4 bad West Garo Hills 2.

Ki nongpang kiba la ioh pat iaka jingkoit ki don haduh 11 ngut. Kine ki kynthup na East Khasi Hills 6, Ri Bhoi 4 bad South West Khasi Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 84799 ngut bad napdeng kine 83257 ngut kila ïoh ïa ka jingkoit bad 1483 ngut kiba ïap nalor ki briew ba dang shitom.

Ka East Khasi Hills ka don 44 ngut kiba dang shitom, West Garo Hills 6, East Jaintia Hills 3, Ri Bhoi 3, East Garo Hills 2 bad North Garo Hills 1.