5 tylli ki dukan die retail yn plie ha Iawmusiang

Syllad | The Rising MeghalayaMay 24, 2021

Ka Dorbar Shnong Tympang Ïawmusiang hadien ba la ioh jingbit na u Deputy Commisioner, West Jaintia Hills ban plie ïaki dukan, na ka liang ka shnong kala jied shuwa tang 5 tylli ki dukan die khutia ne retail ki ban plie hapoh ka shnong lashai ka sngi ba ar (25.05.2021).

Ka por plie kine ki dukan kalong naduh 9 Am haduh 2 Pm.

La kyntu iaki trai dukan bad ki paidbah nongshong shnong ban bud ryngkhi ïaki kyndon iada COVID.

La kyntu ïaki nongshong shnong na kiwei ki shnong ne kyntoit ban ym wan sha Ïawmusiang namar kane ka jingplie iaki dukan ka dei beit tang na ka bynta ki nongshong shnong ka Iawmusiang.

Ki Volunteer jong ka shnong kin peit ki sylli bad lada lap ia kiba leh pyrshah bad ki bym bud ryntih iaki kyndon COVID yn khang shisyndon iaka dukan.

Ki dukan retail kiba lah ban plie lashai ka sngi ki kynthup:

1. Shini & Son Enterprise
2. EA Ryngkhlem Grocery.
3. Dona Lamare Store.
4. Bimal Store.
5. Lad Kyndiah.