8 lak ka khusnam pisa: Da ka football yn pynlong ka 5 Shnong ban pynmih pisa iaka skul San Shnong Secondary School

Syllad | The Rising MeghalayaNovember 8, 2024

Ka 5 Shnong Social and Cultural Sports Club ban pynmih pisa iaka skul San Shnong Secondary School kan pynlong da ka open to all football tournament kaba tip kum ka 1^st Knock Out Football Tournament ha madan Kremlabit, Mukhaialong, East Jaintia Hills District.

U president ma M Phawa bad Secretary ma A Sana, kila pyntip ba ka song pisa iaka lahduh ka long T.5 lak bad ba wan ba ar ka long T.3 lak nalor ki khusnam shimet. Ka bai rung ka long T.10000 bad la rai ban pdiang 32 team ha kane ka tournament.

Ka 5 Shnong kala khot wer ia baroh ki sports club, ki team shimet, ban iashimbynta ha kane ka lympung ka ban pynmih pisa iaka skul kaba la seng da ki san tylli ki shnong na ka bynta ban kyntiew iaka puthi puthi ka thain.

Ka tarik kaba khatduh kaba ban pdieng bai rung kalong ha la 25 tarik Naiwieng (November) 2024. Ha kane ka juh ka sngi yn pyniakap ia ki kynhun haka por 4 baje nohphaisngi ha madan Kremlabit, Mukhaialong.

Ka Mukhaialong ka jngai tang 9 Km na surok bah NH 6 mar sien khlad iaka Kongong bad ka hap hapoh ka Wapung C&RD Block, Khliehriat, East Jaintia Hills District.

Lah ruh ban phone ha kine ki number phone jong ki nongialam ka 5 Shnong na ka bynta ki jingtip ba bniah +91 7005311615/ +91 9612109523.