44900 bitor ka Phensedyl, ka dawai jyrhoh kaba la khein beain ioh kurup ki pulit East Jaintia Hills

Syllad | The Rising MeghalayaOctober 4, 2023

Ki bor pulit kiba pynlong ka jingtalasi ia ki kali hajan Lumshnong Police Station ha ka surok NH-6, haka sngi ba Ar ki la pynpaw ka jingsngew kyndit ban sakhi ia ki artylli ki kali kiba wan mar pyrshah, kata kawei kaba wan na ka thain Khliehriat bad kawei na Umkiang kiba don ia u juh u registration number, kata JK 02 AU 5651.

Kane ka la wan long hadien ba u OC ka Lumshnong u Inspector Mathius Sangma u la ong ba ki bor pulit ki la pyni dak ban sangeh na ka bynta ban pynlong ka jingjurip ia ki kot ki sla, hynrei kawei na kine ki trok kaba wan na ka thain Umkiang ka la sangeh, katba kawei pat ka trok kaba wan na ka thain Khliehriat ka la kyntait ban sangeh ban pynher shakhmat.

Hadien na ka liang ki pulit ki la pynlong ka jingbehthong ia kane ka trok bad tang hadien khyndiat por u nongniah jong kane ka trok u la phet krad noh ia lade bad ieh jyndat ia kane ka trok hapoh surok bah.

Hadien kane la wallam noh ia kane ka trok shapoh Lumshnong Police Station namar ka jingsuba kit ia ki tiar kiba beain, bad hadien ka jingtalasi ha ka jingiadon lang ki sakhi ba laitluid bad u  Additional Superintendnet of Police, u Bah Jason Myrom MPS la lap ia ki 150 tylli ki song byrni kiba don haduh 44900 tylli ki bilor dawai jyrhoh Phensedyl kiba la khein beain kiba 100ml.

Halor kane ka jingioh kurup la registar case hapoh Lumshnong PS bad ka jingthwet ban ioh kem ia ki briew kiba donkti ka la iaid shakhmat.