36 iabit thymmai iaka jingpang COVID-19, khlad 1

Syllad | The Rising MeghalayaFebruary 27, 2022

36 ngut ki briew kiba iabit thymmai iaka jingpang COVID-19, I wei iba khlad na ka jingshitom naka jingpang bad da kane ka jingdon kiba iap pang khlam kala kynjoh 1578 ngut hapoh ka Jylla haka Sngi U Blei.

Ine I wei iba khlad i dei na East Jaintia Hills District.

Katkum ka jingpyntip ka tnad ka Koit ka Khiah, ki briew ba dang shitom ne ki active case ki don 196 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 7, West Garo Hills 1, Ri Bhoi 3, South West Garo Hills 2, North Garo Hills 6, South West Khasi Hills 4, East Jaintia Hills 1, South Garo Hills 2, West Khasi Hills 5 bad East Garo Hills 5.

Ki nongpang kiba la ioh pat iaka jingkoit ki don haduh 28 ngut. Kine ki kynthup na East Khasi Hills 9, West Garo Hills 7, Ri Bhoi 4, South West Garo Hills 1, North Garo Hills 4 bad East Jaintia Hills 3

Ka jingdon jong ki briew bala ïabit ïa kane ka jingpang khlam ha Jylla baroh ka long 93473 ngut bad napdeng kine 91699 ngut kila ïoh ïa ka jingkoit bad 1578 ngut kiba ïap nalor ki briew ba dang shitom.

Ka East Khasi Hill ka don 59 ngut kiba shitom ne active case, West Garo Hills 17, Ri Bhoi 23, West Jaintia Hills 19, South West Garo Hills 12, South West Khasi Hills 11, Eastern West Khasi Hills 7, North Garo Hills 17, South Garo Hills 2, East Jaintia Hills 8, West Khasi Hills 12 bad East Garo Hills 9.