32 iabit thymmai iaka jingpang COVID-19

Syllad | The Rising MeghalayaNovember 20, 2021

Haka sngi Saitjain 32 ngut ki briew kila iabit thymmai iaka jingpang khlam COVID-19 bad da kane ka jingdon jong ki briew kiba shitom ne active case ka long 290 ngut ha Jylla.

Katkum ka jingtip naka tnad ka Koit ka Khiah kine kiba iabit thymmai iaka jingpang khlam ki kynthup na EGH: 1, EJH: 1, EKH: 24, RBD: 2 bad WKH: 4.

Ki nongpang kiba la ioh pat iaka jingkoit ki don haduh 28 ngut. Kine ki kynthup na EGH:1, EKH: 18, RBD: 1, SGH:1, SWGH: 1, WGH: 3, WJH: 1 bad WKH: 2.

Ka jingdon jong ki briew bala ïabit ïa kane ka jingpang khlam ha Jylla baroh ka long 84220 ngut bad napdeng kine 82463 ngut kila ïoh ïa ka jingkoit bad 1467 ngut kiba ïap nalor ki briew ba dang shitom.

Ka East Khasi Hills kadon 210 ngut ki active case, West Khasi Hills 15 case, West Jaintia Hills 10, Ri Bhoi 14, West Garo Hills 17, East Jaintia Hills 5 bad East Garo Hills 19.