300 ngut ioh myntoi na ka jngai sumar ei ba pynlong ka KSU ha Khliehriat

Syllad | The Rising MeghalayaJune 12, 2022

Haduh 300 ngut ki nongpang kila ioh jingsumar ei na ka jingai sumar ei ne ka Free Check Up kaba la pynlong da ka Khasi Students’ Union, East Jaintia Hills District Unit ryngkat ka hospital Down Town, Guwahati kaba la pynlong ha ïing dorbar ka Khliehriat West haka sngi Saitjain.

U Kyrmen Shylla Myntri Sorkar ula iadonlang ha kane ka jingialang bad haba kren ula pynpaw iaka jingsngewnguh iaka KSU bad ka Down Town Hospital kiba la pynlong ia kane ka prokram ai sumar ei.

Ula ong ruh ba ka jingkhang ka National Green Tribunal (NGT) kala wanrah ka jinghiran ka ioh ka kot ki briew ha East Jaintia Hills District bad ki don ruh ki nongshong shnong kiba bym biang shuh ka kamai kajih kim don pisa ban leit shah sumar ne ban thied dawai bad sumar iaki jingpang.

Ka jingpynlong ia kum kine ki jingai jingsumar ei ka long ka jingkyrkhu kaba khraw iaki paidbah ban ioh ha kaban phah jurip ei iaki jingpang bad la ki don ki dak ki shin ba ki don kiwei pat ki jingpang.

Ha kane ka jingai jingsumar ei ki doktor na katei ka aspatal kila jurip iaka jingpang kiba dei bad ka skhor, khmut, ryngdang, ki jingpang ba iadei iaki khyllung khynnah, ki jingpang ba iadei bad ka pun ka kha ki longkmie, ki dawai, bampong ba kiwei kiwei ki jingpang.