30 ngut ki bar jylla pynphai ka JSM & HYC na West Jaiñtia Hills

Syllad | The Rising MeghalayaJanuary 9, 2020

JOWAI: Ka Jaiñtia Students’ Movement (JSM) bad ka Hynñiewtep Youth Council (HYC) kala pynphai haduh 30 ngut ki bar jylla sha ka shnong kaba ki wan hadien ba kila lap ba kiwan trei bylla khlem ki kot khlem sla kiba biang ha West Jaiñtia Hills Districy.

Ïa kine ki bar jylla ka JSM bad HYC kala bat haka jingkhynra bar jylla kaba ïadonlang bad ki pulit haki ar jaka ha Toll Gate kaba don ha Hynniawmer bad haka hospital Woodland kaba dang ïaid ka jingtei ha Soomer.

Ha kane ka jingkhynra  jong kine ki ar seng la ïalam da u Roming Lamare na ak HYC bad  naka da u Edmund Lamare. Kine ki nongialam kila pynpaw ba kine ki bar jylla kim lah satia ban pyni iaki kot ki sla kiba biang ban pynthikna ïaka shnong bad jaka shong jaka sah jong ki nalor ba kim don ki kot ki sla ban trei bylla ha kane ka district.

Kine ki ar seng kila phah leit phai ïaki na ka jaka kaba ki wan bad lada ki lah ban pynthikna bad pynbiang ki kot ki sla ki lah ban wan trei sha kane ka thain. Ka HYC bad JSM kala maham bad mana ïaki kontrak kiba wanrah nongtrei kiba na bar jylla khlem da pynbiang ïaki kot ki sla ban pyntrei ïa kino kino ki jingtei.