3 tylli ki hattrick kyrwit u Sumar bad Wellson, 13-1 jop ka Lumphyrnai Sohphoh iaka Heibor iong-I haka Super Division ka TSA

Syllad | The Rising MeghalayaSeptember 7, 2025

Lyngba ki lai tylli ki hat trick kiba la ioh ban khyrwit, kata ar tylli da u Sumar Suting kiba la wan ha ka minit kaba 9’, 16’, 32’, 51’, 84’, 90+2’ bad u Wellson Suting kiba la wan haka minit kaba 55’, 64’, 74’ kala pynlong iaka Lumphyrnai Sohphoh ban jop kput da 13-1 kol iaka Heibor iong-i haka jingialehkai Super Division kaba pyniaid da ka Thadlaskein Sports Association (TSA) kaba long ha madan Wahiajer Multi Sports Complex kaba long ha ka 6 tarik Nailur.

Katba iaki 4 tylli ki kol kiba sah la thep da u Pynbiang Mynsong 45+2’, Dapyntgen Suting 57’, Hamebanjop Khynriam 62’ bad Arniki Suting 81’. Shikol ban lait brut ka Heibor iong-I kala thep lyngba u Riwan Rymbai 56’.

Ha kawei pat ka jingialehkai ha kane ka juh ka kyrdan, ka Pohskur Phlongingkhaw kala pynliem da 2-1 iaka Niriang.

Ia ki ar kol ka Pohskur Phlongingkhaw la thep da u Maidong Mukhim 60’ bad Kamwathrang Mukhim 84’, katba na kaliang ka Niriang, u Livingstar Myrboh ula thep shikol haka minit kaba 44’.

Haba phai sha ka jingialehkai 2^nd Division ka United Phlongingkhaw kala iakhaid da 2-2 bad ka Mukhla Sohshrieh. Ar kol na kaliang ka Phlongingkhaw la thep da u Juh I ki Suting 3’, 5’ bad na ka Mukhla Sohshrieh la thep da u Treki Sari 12’ bad Ebious Sari 47’

Kawei pat ka jingialehkai, ka Mukhla Mission kala jop da 7-1 iaka Mukhla Veteran. Ia kine ki 7 kol ka Mukhla Mission la thep da u Jofferson Bang (hattrick) 36’, 40’, 47’, Bishar Dkhar 12’, 37, Oliver Rymbai 42’ bad u Arny Dkhar 50’. Shikol na ka Mukhla Vetaran la thep da u Constant Syngkon 2’.

Ka jingialehkai kan bteng haka 9 tarik Nailur ha kaba haka 2^nd Division ka Lumkynsaw kan iakhun bad ka Bamkamar Wah haka por 10 am, katba haka Super Division ha kaba ka Lumphyrnai Sohphoh pyrshah iaka Mookyndur SC haka por 3 Pm.