22 tarik Iaiong yn pynhap pyrda iaka Golden Jubilee ka WJDSA

Syllad | The Rising MeghalayaApril 18, 2023

Ka West Jaintia District Sports Association (WJDSA) kan pynkut noh iaka jingrakhe lyngkhuh snem ba 50 snem (Golden Jubilee) jong ka haka 22 tarik Iaiong haka por 1 baje nohphaisngi ha Kiang Nangbah Stadium.

Ka WJDSA kala sdang iaka jingrakhe jubilee naduh 26 tarik u Lber 2022 da ki jingialehkai ba har rukom ba kynthup iaka basketball, half marathon, iasiat khnam bad ki jingiakhun football ha ki kyrdan bapher bapher.

U kongsan u ban wan pynhap pyrda ia kane ka jubilee u dei u ma Sniawbhalang Dhar Symbud Myntri Rangbah ka Jylla bad u Myntri Sports u Shakliar Wajri kum u symbud kongsan.

U Hony. General Secretary ka WJDSA u ma Lammat oo Laloo, ula ong ba nakaliang ka synjuk ka khot ka wer sngewbha ia baroh ban wan sha kane ka jingialang pynkut iaka jubilee.

Ka WJDSA ka shim ruh ka kabu ban khot wer ia baroh ki dkhot ka WJDSA kiba rim bad kiba mynta, ki klob bad ki paidbah ban wan ha kane ka sngi khnang ba ki jingthmu jong ka synjuk kan long kaba jop bad ka jingpynkut iaka jubilee kan long kaba iphuh iphieng.