20 tarik Nailur ka Pension Adalat ha nongbah Shillong

Syllad | The Rising MeghalayaSeptember 2, 2023

Ka Ophis Principal Accountant General (A&E) Meghalaya, Shillong ka la pyntip ba ka Pension Adalat na ka bynta ban weng ia ki jingeh jong kiba ioh bai bam tymmen/ kiba haiing jong kiba ioh bai bam tymmen jong ka ophis Principal Accountant General (A&E) Meghalaya, Shillong la buh ban pynlong ha ka 20 tarik Nailur, 2023 naduh ka por 10 baje Mynstep haduh 4 baje Janmiet ha phyllaw jong ka ophis na ka bynta ban tianbishar bad pynbeit ia ki jingeh ba iadei bad ka bai bam tymmen.

Khnang ban plie lad ia ka jingpynbeit wutwut ia ki jingeh, la kyrpad ia kito ki briew kiba la shongthait na ka Ophis Principal Accountant General (A&E) Meghalaya, Shillong ba kin phah lypa ia ki kyrteng jong ki sha ka O/o the Pr. Accountant General (A&E) Meghalaya, beitbeit lane lyngba ka email ([email protected]) ha lane shuwa ka 4:00 janmiet jong ka 15 tarik Nailur, 2023.

La kyrpad iakito kiba ioh bai bam tymmen/ kiba haiing jong kiba ioh bai bam tymmen ba kin phah ia ki PFO Number bad ka Tarik ba ki Shongthait/ Ka Jingkhlad ha ka por ba ki pynrung kyrteng.