2 tylli ki sub centre yn tei ha Jowai Constituency

Syllad | The Rising MeghalayaJune 4, 2025

U MLA Jowai Ma Wailadmiki Shylla haka 3 tarik Jylliew ula pyntip ba ka sorkar kala mang ban tei ar tylli ki health sub centre thymmai hapoh Jowai Constituency.

Kine ki ar tylli ki sub centre yn tei haka shnong Ialong bad Sabahmuswang.

U MLA Jowai ula wan jurip ruh iaki jaka ha kine ki shnong haka jingiadonlang ki nongialam shnong bad ki nongtrei ka National Health Mission (NHM)

U Ma Wailad ula iathuh ba ka sub centre ha Sabahmuswang kan ai jingshakri iaka shnong Sabahmuswang, Mookaswan bad Lad Mynkseh bad pynpaw ruh ka jingkmen namar kine ki artylli ki shnong ki long kiba la biang pura ban ioh iaka Sub Centre.

Ka sub centre kadei kaba kongsan tam na ka bynta ka koit ka khiah ha kano kano ka shnong, la ong u MLA bad u khmih lynti ba da ka jingdon kine ki sub centre kan long ka jingmyntoi iaki nongshong shnong khamtam ki longkmie bad ki khynnah rit.