2 takma khur ki khynnah ialehkai ka Ferdy School Of Martial Arts na ka National Jeet Kune Do Championship

Syllad | The Rising MeghalayaOctober 6, 2021

Ki 2 ngut ki rang ia kura jong ka Ferdy School Of Martial Arts (The Revolution MMA) kila ioh khur takma ksiar bad rupa na ka lympung ïalehkai 6th National Jeet Kune Do Championship ha ka nongbah Delh kaba long ha DJB Indoor Stadium Dallupura.

Ia kane ka lympung la pyniaid da ka JKDF of India member AJKDF (SL) bad IJKDF (WJKDF), Martial Arts Association- International Germany haka 2-3 tarik Risaw.

U Obadaïa Kelphung u ba dei na ka shnong Saitsama West Jaintia Hills u lah ïoh khur ïa ka takma ksiar ha ka Full contact -52 kg senior men katba U Fedrick Khongsit u ba shong ba sah ha Làitkor Nongdaneng East Khasi Hills u lah ïoh khur ia ka takma rupa ha ka Full contact 48 kg senior men.

Ka Ferdy School Of Martial Arts (The Revolution MMA) ka ai khublei ïa ki kmie ki kpa jong kine ki Khynnah ba kila shah ïa ki khun jong ki ban ba kin leit ïa shim bynta ha kane ka Tournament sha nongbah Delhi. Ha ka juh ka por kane ka skul ka ai khublei ia ka Meghalaya Jeet Kune Do Association (MJKA) bad ia u Master Donny Ranee uba la ïalam ïa kine ki khynnah ka jylla sha Delhi.