15 ngut ki nongialehkai Athletics kiba mihkhmat iaka jylla haka 67th National School Games

Syllad | The Rising MeghalayaApril 6, 2024

Ka ophis jong ka of Sports & Youth Affairs Department ka la sei madan ia ka kynhun ialehkai athletics kaba 15 ngut ban mihkhmat ia ka jylla sha ka lympung ialehkai jong ka 67th National School Games 2024 U-17 Kynthei bad Shynrang.

Kane ka lympung ka long ha Patliputra Sports Complex, Kankarbagh, Patna naduh ka 6 haduh ka 9 tarik mynta u bnai Iaiong.

Ka thong jong ka jingpynlong ia kane ka lympung ka long ban tei ia ka met ka phad ka bor pyrkhat kaba koit ba khlain bad ruh ban lah ban sei madan ia ki sap ki talent ba nylla  khnang ba kin lah ban mih paw wat ha ki lympung bah ialehkai jong ka ri.

Ki kyrteng jong ki khynnah ki long na ka liang ki kynthei ki long Meli bad Kro Javelin Throw & Discus Throw. Turoi Phawa Long Jump & 100 mts., Rukini RT Dkhar 800 mts & 400 mts., Enriyana G. Momin Long Jump, Kasanchi Donesa J. Marak 100 mts., Lyntijingkyrmen K. Jahrin 3000 mts., Anuskha Majong High Jump, Sibilda Maring High Jump.

Katba na ka liang kikhynnah shynrang pat kiba la shah jied ban mihkhmat sha kane ka lympung ki long Henry Yoga A. Sangma 100 mts, Bettingstar N. Marak Long Jump, Ioh I Ksan Lyngdoh100 mts & 200 mts, Percioustar Bey High Jump, Knerlang Phawa 1500 mts & 3000 mts, Ram Shylla 1500 mts & 3000 mts, Rones Taro  Long Jump & High Jump.

Ki Coaches ki long Biningstar L. Mawlong- Coach (Boys), Threza A. Sangma- Coach (Girls) Wickbond L. Mawlong- Manager