13 tarik ka semifinal Independence Day Cup ka WJDSA

Syllad | The Rising MeghalayaAugust 11, 2022

Ka Lumpariat, ka Mookyrdup, ka Luti Tuber Ïalong bad ka Sailung Ïalong ki la buh jaka ïalade haka semi final Under-17 Independence Day Cup Football Tournament kaba pynïaid da ka West Jaintia District Sports Association (WJDSA).

Ka jingïakhun semifnal kaba nyngkong kanlong haka 13 tarik hapdeng ka Lumpariat pyrshah ïaka Luti Tuber Ïalong bad kaba ar kan long hadpeng ka Mookyrdup pyrshah ïaka Sailung Ïalong haka por 1:30 bad 3:30 nohphaisngi ha Kiang Nangbah Stadium.

Haba phai sha ka jingiakhun quarterfinal haka sngi Palei, ka Lumpariat ka la pynliem 3-0 ïaka Dulong. Ia kine ki kol la thep da u Pynskhem Dkhar (3) bad u Damehi Dkhar marwei ula thep ar kol (18, 54).

Haka jingïakhun kaba bud ka Mookyrdup kala 2-1 ïaka Dongmihsngi. U August Surong ka Mookyrdup ula thep ia kine ki ar kol (12,41), katba ka shikol jong ka Dongmihsngi la thep da u Yowmiki Chadong (27).

Ha kawei pat ka jingiakhun ka Lutituber Ialong kala pynliem 3-0 ïaka Saindur Mihmyntdu . U Kordor Dhar ula thep iaka kol kaba nyngkong (12), u Richard Dhar bad u Iohbhah Dhar mar shikol (15, 60+1)

Ka jingiakhun quarter kaba khatduh la rai iaka nam jop da ka tie breaker. ka Sailung Ialong jop iaka Mulang Ialong da 3-1. Ka jingiakhun hadpeng kine ki arliang katkum ka por balabuh kala wai 0-0.