129 iabit thymmai iaka jingpang COVID-19, khlad 4 ngut

Syllad | The Rising MeghalayaSeptember 30, 2021

129 ngut ki briew kiba iabit thymmai iaka jingpang khlam COVID-19, 4 ngut kila khlad bad da kane ka jingiap kala kynjoh sha 1404  haka jylla haka sngi Palei.

Kine kiba khlad saw ngut ki dei na East Khasi Hills: 2 bad mar iwei na East Garo Hills bad West Jaintia Hills District.

Kat kum ka jingpyntip ka Tnad ka Koit ka Khiah, 129 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 1619 ngut hapoh ka Jylla.

Ki briew kiba iabit thymmai iaka jingpang khlam ki kynthup na EJH: 3, EKH: 66, NGH: 1, RBD: 4, SWKH: 2, WJH: 11 bad WKH: 42.

Ki nongpang kiba la ioh pat iaka jingkoit ki don haduh 199 ngut. Kine ki kynthup na EJH: 8, EKH: 109, RBD: 27, SGH: 1, SWKH: 9, WJH: 22 bad WKH: 23.

Ka jingdon jong ki briew bala ïabit ïa kane ka jingpang khlam ha Jylla baroh ka long 81290 ngut bad napdeng kine 78267 ngut kila ïoh ïa ka jingkoit bad 1404 ngut kiba ïap nalor ki briew ba dang shitom.