120 iabit thymmai iaka jingpang COVID-19, khlad 4

Syllad | The Rising MeghalayaFebruary 10, 2022

Saw ngut ki briew kila khlad na ka jingshitom na ka jingpang khlam bad da kane ka jingdon jong ki briew kiba iap pang COVID-19 kala kynjoh sha 1558 ngut bad kiba iabit thymmai iaka jingpang ki don 120 ngut haka sngi Palei

Kine kiba khlad saw ngut ki dei na East Khasi Hills District.

Katkum ka jingpyntip ka tnad ka Koit ka Khiah, 120 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 1020 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 50, West Garo Hills 15, Ri Bhoi 9, South West Garo Hills 4, North Garo Hills 5, South West Khasi Hills 2, West Jaintia Hills 22, East Jaintia Hills 3, Eastern West Khasi Hills 3, South Garo Hills 2, West Khasi Hills 2 bad East Garo Hills 3.

Ki nongpang kiba la ioh pat iaka jingkoit ki don haduh 194 ngut. Kine ki kynthup na East Khasi Hills 71, West Garo Hills 64, Ri Bhoi 6, South West Garo Hills 6, West Khasi Hills 2, South West Khasi Hills 10, West Jaintia Hills 14, North Garo Hills 4, South Garo Hills 3, Eastern West Khasi Hills 6, East Jaintia Hills 4 bad East Garo Hills 4.

Ka jingdon jong ki briew bala ïabit ïa kane ka jingpang khlam ha Jylla baroh ka long 92766 ngut bad napdeng kine 90188 ngut kila ïoh ïa ka jingkoit bad 1558 ngut kiba ïap nalor ki briew ba dang shitom.

Ka East Khasi Hill ka dei kaba bun eh kiba iabit khlam COVID-19 bad ka don 399 ngut kiba shitom ne active case bud sa ka West Garo Hills 175, Ri Bhoi 126, West Jaintia Hills 103, South West Garo Hills 27, South West Khasi Hills 39, Eastern West Khasi Hills 34, North Garo Hills 31, South Garo Hills 18, East Jaintia Hills 22, West Khasi Hills 24 bad East Garo Hills 22.

Kine harum ki dei ki briew kiba iabit thymmai bad kiba ioh pat iaka jingkoit naka jingpang khlam: