11 iabit thymmai iaka jingpang COVID-19, khlad 3

Syllad | The Rising MeghalayaFebruary 21, 2022

Lai ngut ki briew kila khlad na ka jingshitom na ka jingpang khlam bad da kane ka jingdon jong ki briew kiba iap pang COVID-19 kala kynjoh sha 1571 ngut bad kiba iabit thymmai iaka jingpang ki don 11 ngut haka sngi Nyngkong.

Kine kiba khlad lai ngut ki dei na 2 ngut East Khasi Hills District bad 1 na East Jaintia Hills.

Katkum ka jingpyntip ka tnad ka Koit ka Khiah, 11 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 343 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 5, Ri Bhoi 2, East Jaintia Hills 3 bad East Garo Hills 1.

Ki nongpang kiba la ioh pat iaka jingkoit ki don haduh 37 ngut. Kine ki kynthup na East Khasi Hills 9, West Garo Hills 3, Ri Bhoi 9, West Khasi Hills 1, North Garo Hills 1, South Garo Hills 2, Eastern West Khasi Hills 4, East Jaintia Hills 4 bad East Garo Hills 4.

Ka jingdon jong ki briew bala ïabit ïa kane ka jingpang khlam ha Jylla baroh ka long 93304 ngut bad napdeng kine 91390 ngut kila ïoh ïa ka jingkoit.

Ka East Khasi Hill ka don 145 ngut kiba shitom ne active case, West Garo Hills 54, Ri Bhoi 26, West Jaintia Hills 36, South West Garo Hills 14, South West Khasi Hills 7, Eastern West Khasi Hills 11, North Garo Hills 13, South Garo Hills 5, East Jaintia Hills 12, West Khasi Hills 11 bad East Garo Hills 9.