103 ngut ki nonghikai kiba shah hikai ban long Scout Master

Syllad | The Rising MeghalayaApril 26, 2022

Ka Meghalaya Bharat Scouts and Guides kum shi bynta ba kan rakhe iaka lyngkhuh snem ba 50 ka jingiaid lynti jong ka mynta u snem kala pynlong iaka Basic Training Course jong ki Scout Master kaba pynlong naduh ka 19 tarik haduh 25 tarik u Iaiong 2022 ha State headquarter kaba don hajan ka Pine Mount School.

Haduh 103 ngut ki nonghikai kila wan ban shah pyntbit ialade naka bynta ban ai jingmyntoi bad ban kyntiew iaki khynnah skul haka pule puthi bad kumjuh iaki samla. Kine ki nonghikai la jied kyrpang bad lah phah lyngba ka Sub-divisional School Education Officer naki skul bapher bapher naki district bapher bapher kum na West Jaintia Hills, East Jaintia Hills ,East Khasi Hills, Eastern West Khasi Hills, West Khasi Hills bad Ri Bhoi District.

Shwa ban sdang kane ka training la pyniaid iaka ialang ba lyngkot na u Babu Aidor Ryngksai, State Training Commissioner(Scouts) bad la ioh ka jingkren ba kongsan ban ai mynsien na u W Lyngdoh, State Secretary ka Meghalaya Bharat Scouts and Guides haka jingiadonlang ki teaching staff bad ki trainees.

U Ma Lyngdoh haba kren ula ong ba ka jingthmu ba kongsan hi ka long ba ynda ki nonghikai ki lah pyndep iaka course ki lah ban plie unit sha ki skul jong ki da ka jingiatreilang ka skul baroh kawei.

Ha kane ka jingai inghkai ki nonghikai kilaioih shibun jait ki jinghikai ne training kum ki tying of Knots, Spare Time Activities, First Aid, Flag procedure, Wood craft signs, Hiking and camping, preparation grand campfire, entertainment bad kiwei de.

Shwa ban poi shaba kut baroh ki tainees kila shim smai ban long ki Scout Master ha ka jingiadonlang Bah P.Rynksai  bala shong thait kum U Addl. Director School Education and Literacy bad u ba long kum u State Treasurer ka MBSG, Bah K Kharkongor State Commissioner, Scouts.

Hadien ka kane ka sngi la sam certificate sha baroh ki Scout Master bad ki lady Scouts Master.