Sdang ka hikai pyntbit iaki 100 ngut haka Skill Training Programme ha Bosco Pnar

Syllad | The Rising MeghalayaJuly 8, 2022

Ka Skill Training Programme na ka bynta ki Electrical Domestic Solution bad ki Plumber General ne ki nongshna light bad ki shna umkor hapoh ka Meghalaya State Skill  Development Society (MSSDS) kala sdang haka shlem jong ka Bosco Pnar Multipurpose Vocational Training Centre, Salini Colony, Mihmyntdu.

U MDC jong ka Jowai North Brightstar Chyrmang kum u kongsan ula plie paidbah ia kane ka jinghikai pyntbit iaki samla ban ieng hala ki jong ki kjat haka jingiadonlang Skill Development Officer, West Jaintia Hills District u Ma Lambormi Suchen bad u Director Bosco Pnar, Fr. Francisco Dhar.

Ka Skill Meghalaya la sdang ia ka naka bynta ban thaw ki lad ki lynti ban pyntbit ia ki samla kiba don iaka sap bapher bapher ba kin ieng hala ki jong ki kjat.

U Director of Bosco Pnar Fr. Francisco Dhar ula kyntu iaki samla kiba ioh ia kane ka jingai jinghikai ei ban shim kabu ia kane ka lad khnang ba kan long ka jingmyntoi iaki.

Ka Bosco Pnar kan ai jinghikai 350 kynta iaki Electrical Domestic Solution, katba iaki nongshna umkor hapoh 410 hrs,katta ka 3 bnai .

Ha kane ka training kin don haduh 100 ngut ki samla kin ioh iaka jinghikai.