10 tylli ki takma khur ka Jylla na ka 8th North Eastern Zone Shooting Championship

Syllad | The Rising MeghalayaMarch 12, 2021

Ki nongialehkai siat suloi ka Jylla hapoh ka lama jong ka Shooting Association of Meghalaya (SAM) kila ioh ban khur haduh 10 tylli ki takma na ka lympung 8th North East Zone Shooting Championship, kaba la long ha Guwahati, Assam.

Kane ka rynsan iasiat suloi kaba hynriew sngi kala long haka 4 tarik haduh 8 tarik Lber (March() 2021 bad la wan ia shim bynta ki long na ki jylla Assam, Manipur, Meghalaya, Mizoram bad Nagaland kynthup ki nongiakop ia siat sukoi na ka liang ki kynhun shipai (services).

Kine ki takma ki kynthup iaki 2 tylli ki takma ksiar bala ioh khur da ka Shirley M Kharbuli-25 meter sports pistol (Women bad u Dennyson Kyrsain-50 meter small bore rifle prone-Open Category (Men)

Kiba la jop takma rupa ki long u Rohit Thapa u ba la jop ha baroh ar ka 10 Meter Pistol (Men-Junior) bad ha ka 10 Meter Pistol (Men –Senior),  ka Anjali Singh haka 50 Meter Small Bore Sports Rifle- Prone position (Women), u Dennyson Kyrsain ha ka 10 Meter Rifle (Men – Junior), ka Balarishisha Rani kala jop ha ka 25 Meter Sports Pistol- MQS (Women) bad ka 25 Meter Sports Pistol- ISSF (Women) category.

Kiba la jop takma rnong ki long ka Anjali Singh-10 Meter Rifle- MQS (Women) bad u u Dennyson Kyrsain uba la jop ha ka 10 Meter Rifle – ISSF (Men-Senior).

“Wat hapdeng ka jingbym iohlad bad ka jingbymdon laka jong ka jaka iasiat bad jingduna ki suloi iasiat (competition class weapons) kiba long kiba donkam ha kaba pynkhreh ia ki nongiasiat jong ka jylla na ka bynta ki jingiakop ia siat kiba bun ka Shooting Association of Meghalaya ki la lah ban jop bad ban wanrah takma bad wanrah burom ia ka jylla Meghalaya. Kane kala la ai mynsiem iaka SAM bad ki nongsiat suloi bad kyrmen bad ka tnad Sports kan shim khia ban thaw ki lad ban tei ia ki jaka iasiat kynthup ban pynbiang ia ki tiar suloi kiban plie lad iaki nongialehkai ban sei iaki sap ki phong jong ki,” la ong u bah John F Kharshiing, president SAM.