Sdang iaka Self-Defense Training na ka bynta ki kynthei ha Jowai

Syllad | The Rising MeghalayaJune 7, 2025

Ka District Mission Coordinator, SSA West Jaintia Hills haka 6 tarik Jylliew kala sdang iaka prokram ai jingai jinghikai kyrpang iaki khynnah kynthei kumno ban iada ialade na ki riew shim kabu kaba tip kum ka Self-Defense Training for Girl’s Students.

Kane ka jinghikai kan neh 3 bnai kynthih na ka bynta ki 4 tylli ki skul hapoh ka sor Jowai ba kynthup ka RC Eve Mihmyntdu UPS SSA, Panaliar SSA UPS, Thadlaboh Presbyterian UPS SSA, QC Springside UPS bad Panalaiar UPS SSA.

Shwa ka jinghikai kala don ka jingialang lyngkot ba la pyniaid da ka Kong Baiahunlang Phawa, Asst. Teacher R.C. Eve Mihmyntdu bad la ioh ka jingbatai shaphang ka Self-Defense Training na u Ma Alan Niangti, President ka West Jaintia Hills Karate Do Association bad na ka Kong Sam-I-Naki War Passah, Member (WJHKDA), Jowai.

La ioh ruh ka jingkren na u Ma SD Laloo, Community Mobilizer, SSA bad ka jingkren ai mynsiem iaki khynnah skul na u Father H Lamare, Parish Priest ka Jowai Dociocese uba long kum u kongsan jong kane ka prokram.

U Fr. H Lamare haka jingkren ula kyntu iaki khynnah ban long ki khynnah kiba nang ban ri iaka burom akor bad ban pynleit jingmut haka por shah hikai khnang ban ioh jingmyntoi na kane ka prokram.

Ha kane ka sngi ki dkhot ka West Jaintia Hills Karate Do Association haka jingialam u Na-oo mankiwi War Passah, Instructor 2nd Dan Black belt bad u Ribeit O Pde, Instructor 1st Dan Black belt kila pyni hapdeng ki khynnah iaki buit ki lad kumno ban iada ialade haba don ki briew kiba thmu ban thombor iaki.