Pynkhuid ka Seiñraij Jowai iaki ñiut ha iew

Syllad | The Rising MeghalayaAugust 6, 2021

Ka Seiñraij Jowai kala shim iaka sienjam ban pynkhuid iaka iew Seinraij ha Iawmusiang, Jowai haka sngi Thohdieng.

Kane ka jingpynkhuid ka long hadien ba ki paidbah kila bteng ban lumthup iaki ñiut ha katei ka iew mar pyrshah bad ka DC ophis Jowai,

Hadien kane ka jingpynkhuid u ma OR Shallam president Seiñraij Jowai kala kyntu iaki paidbah ba kim dei shuh ban bret ne lumthup iaki ñiut kat shaba lap ba shem bad lada lap ka Seiñraij Jowai kan pynshitom bad dain kuna.

Ka Seinraij Jowai ka khang pyrshah bad kyrpad ia baroh ba kim dei ban bret pathar iaki ñiut sha ki ‘law kyntang kiba hap haka jingpeit ka Seiñraij Jowai.