Kut noh ka lehniam Behdeiñkhlam ka Raid Chyrmang

Syllad | The Rising MeghalayaMay 1, 2019

JOWAI: Ka lehniam Behdeiñkhlam jong ka Raid Chyrmang ba kynthup ïaka shnong Iongnoh bad ka Chyrmang kala poi noh sha kaba kut haka sngi Balang hapdeng kajingiphuh iphieng. Kane jinglehniam jong kane raid ka dei kaba nyngkong eh ha Rilum Jaiñtia.

Ka jingleh niam Behdeiñkhlam jong ka Raid Chyrmang kadei kaba kongsan, namar dei hadien ba kila pyndep ïa kane ka jinglehniam ki nongshong shnong kin leit ban bet ia u symbai u phniang sha ki hali ki pynthor jong ki.

Kane ka jinglehniam kala sdang da ka jingknia Ryngkaw, pynbud sa ka Chad Yung, ka jingleit shad sha ki rympei ing jing ki khun ka Raid ryngkat ka jingsawa ka bom, ka tangmuri bad kiwei kiwei ban duwai phirat ryngkat ka suit ka shor.