Khot iaki briew ba don jingduna dkhot met sha ka jingpeit thuh hapoh ka skim RVY haka 7 tarik Jymmang ha Shillong

Syllad | The Rising MeghalayaMay 6, 2025

Ka Sorkar India lyngba ka ophis jong ka District Social Welfare Officer, East Khasi Hills District kan pynlong ia ka jingpeit thuh bniah halor ka skim kaba iadei bad ki briew ba duna ha ki dkhot met bad ki tymmen kiba la palat 60 snem ka rta, kaba hap hapoh ka skim Rastriya Vayoshri Yojana (RVY).

Kane ka jingpeit thuh kan long ha U Soso Tham Auditorium Hall, State Central Library, Shillong ha ka 7 tarik Jymmang 2025 naduh ka por 10 baje mynstep.

Ka thong jong kane ka rynsan ka long ban ai jingiarap sha ki briew kiba duna ha ki dkhot met ban ioh thied lane pyndait ia ki tiar ba kyrpang ban iarap na bynta jong ki.

Ki nongshong shnong kiba dei hok ban ioh jingmyntoi na kane ka skim, ki lah ban ia shim bynta da kaba wanrah ia ki kot ki sla ba donkam.

Na bynta ka ADIP Scheme, ki kot ki sla ba donkam ki kynthup: ka certificate kaba pynshisha ba duna ha ka dkhot met (40% shaneng), ka AADHAAR Card, ka certificate kaba pynshisha ba jingioh haka shibnai kan ym kot T.22,500 bad ka dur passport-sized.

Katba na bynta ka RVY Scheme, ki donkam ban wanrah ia ka AADHAAR Card, ka certificate kaba pynshisha ba ioh hapoh T.15,000 ha ka shi bnai bad ka dur passport-sized.

Kane ka jingialang ka dei ka kabu na ka bynta kiba donkam jingiarap ban ioh jingmyntoi lyngba ka jingïarap jong ka sorkar.