Jop ka Seinbhalang Shkentalang haka Super Div, ka Nongtalang Chnongthmai bad kiwei haka Lower Div ka ASSA

Syllad | The Rising MeghalayaNovember 28, 2024

Ka Seinbhalang Shkentalang kala jop da 2-0 pyrshah iaka YC Pdengkarong haka Super Division Football Tournament kaba pyniaid da ka Amlarem Sub-Divisional Sports Association (ASSA) kaba long ha madan Ladjaplem haka 28 tarik Naiwieng.

Baroh ar tylli kine ki kol ka Seinbhalang kila wan haka kylla miet lyngba u Sanu Dkhar (76) bad u Isac Surong (80).

Haba phai sha ka jingialehkai Lower Division, ka Krangpamtadong SC kala jop da 1-0 iaka Amlari Model SC. Ia kane ka kol la thep da Pynjanai Dkhar (3)

Kawei pat ka jingialehkai ka TSC Jong U Shen kala shah pynliem da 1-0 haka Iatyllilang Amsalang. Ia kane ka kol la thep da u Maia Lyngdoh (29).

Ha ka jingialehkai kaba khatduh ka Nongtalang Chnongthmai kala pynliem da 3- 0 iaka Ammutong Pyrshang. Baroh lai tylli kine ki kol ka Nongtalang Chnongthmai kala thep haka kylla step lyngba Mahrhen Lyngdoh (21), Rimiwel Pohchen (30) bad u Sebarius Pohchen (40).