11908 ngut ki nongrep ki ioh myntoi na ki cold storage: Ampareen

Syllad | The Rising MeghalayaFebruary 27, 2024

Ka Myntri jong ka tnad ka rep ka riang ka Kong Ampareen Lyngdoh haka 26 tarik Rymphang, ka la pyntip ba 44 na ki 50 tylli ki cold storage ne ka jaka buh marbam ban pynpjah ki dei kiba treikam ha ka jylla.

Ha ka jingjubab ki jingkylli kaba la wanrah da ka Miani D Shira, ka Kong Ampareen ka la ka long ba 8 tylli ki cold storage la buh ha East Khasi Hills, 3 West Khasi Hills, 1 Eastern West Khasi Hills, 1 South West Khasi Hills, 8 Ri Bhoi, 7 West Jaintia Hills, 3 East Jaintia Hills, 5 East Garo Hills, 5 West Garo Hills, 6 North Garo Hills, 1 South Garo Hills bad 2 South West Garo Hills.

Ka Myntri ka la ong ruh bad haduh 11,908 ngut ki nongrep kiba ioh jingmyntoi lyngba kine ki cold stoarage.

Ka la ong ruh ba ki cold storage kiba don ha Mawiong bad Garobada kim shym la treikam satia bad ka kaiphod ka ong ba ym thikna shuh ban shna biang ïa ki. Halor kane ka sorkar ka don jingmut ban shna pynthymmai ïa ki katkum ki cold storage ba mynta.

Katba ka Garobada cold storage kam shym la treikam satia naduh u snem 2008 bad kiba shim wai ïa kane ka cold storage kila ujor ba kane ka jaka buh mar kala wanrah ka jingduhnong kaba khraw namar ka jingtlot palat ka bording.